17 yanvar 2011 15:46
Kamran Ağayev: Hətta milyard da təklif etsələr, gedəcəm
Azərbaycan yığmasının və `Xəzər Lənkəran`ın qapıçısı Kamran Ağayev azerisport.az saytına müsahibəsində yeni gələn oyunçular, hazırlıq prosesi, çempionatın qalan dövrü və komandasındakı qapıçılar arasında olan rəqabətdən danışıb. Təcrübəli qolkiper ilk olaraq komandasının dünən keçirilən Qazaxıstanın `Atirau` klubuyla sınaq matçına toxunub.
- Mən ilk növbədə həm Ramiz Məmmədova, həm də Elxan Abdullayevə `Atırau`da uğurlar arzulayıram. Mən həmişə demişəm ki, bizim bacarığımız çox yükəskdi.
- Komandadakı ciddi dəyişiklikləri necə qəbul edirsiz?
- Milli komandamızın qarşıdakı toplanışları səbəbindən mənim yeni gələnlərə uyğunlaşmağım bir qədər çətin olacaq. Bu Mirça Rednikin işidi. Dəyişiklik etməyə qərar verdi. Mən bu haqda nəsə deyə bilmərəm. Sadəcə bizə vaxt lazım olduğunu düşünürəm. Görüləsi çoxlu işimiz var.
- Necə hesab edirsiz, Rumıniyadan gələn legionerlərin səviyyəsi sizə kömək edəcək?
- Legionerlərin sayının çox olmasına baxmayaraq, mənə elə gəlir ki, o, bizə - yerli futbolçulara da üstünlük verəcək. Hər bir məşqçinin daha çox bel bağladığı futbolçular olur. O, daha yaxşı bilir və başa düşür ki, kimləri dəvət etmək lazımdı. Onun işinə hörmətlə yanaşıram.
Rednik yaxşı insandı. Ondan mən hələ heç bir pislik görməmişəm. Belə insanları sevirəm. Onunla söhbətlərim olur. Ancaq məşqçilər var ki, tam fərqli xüsusiyyətlərə malikdilər.
- Siz vaxtdan danışdız. Ancaq fevralın 13-də artıq `Neftçi`ylə oyununuz var...
- Biz də bakılılar kimi hazırlaşırıq. Mən demirəm ki, biz hazır deyilik. Sadəcə daha çox işləmək lazımdı. Əlbəttə, əgər biz boş əllə çıxsaq, uduzarıq. Komanda bunu dərk etməlidi. Birdə ki, biz sadəcə `Nefçti` ilə oyuna hazırlaşmaq üçün bura gəlməmişik. Ola bilər ki, onlar bu məqsədlə gəliblər. Ancaq biz mövsümün bundan sonrakı daha çətin dövrünə hazırlaşmaq istəyirik.
- Denis Romanovsu necə yola saldın, yeni gələn qapıçıyla görüşmüsən?
- Hər iki qapıçının səviyyəsi yaxşıdı. Yaxşı qapıçının olması mənim üçün də faydalıdı. Qoy mən gedəndə də komandada yaxşı qapıçı olsun. Mən söz vermişəm ki, burdan gedəcəm. Əgər xaricə gedə bilməsəm, insanlar bir əlimdə siqaret, digər əlimdə şərab qədəhi görəcəklər. Zarafat bir yana: demişəm ki, 25 yaşımda gedəcəm. Klub rəhbərliyi ilə də belə razılaşmışıq. Hətta mənə milyard təklif etsələr də, gedəcəm. Bu, o demək deyil ki, XL-da qalmaq istəmirəm, sadəcə karyeramı ölkə xaricində davam etdirmək istəyirəm.
- Qorxmursuz ki, rumıniyalı mütəxəssissiz ola-ola daha çox öz həmyerlisinə üstünlük versin?
- Belə şeyləri düşünmürəm. Legionerlərin səviyyəsinin yüksəkliyi baş ağrısı gətirməməlidi. Əəcnəbi bura gəlirsə, hesab edirəm ki, burda ehtiyatda oturmamalıdı. Allah eləsin ki, legioner limiti bir qədər aşağı salınsın. Bizdə hələlik bu baxımdan yaxşıdı. Çempionluq üçün komandada rəqabətin olması da çox vacibdi.
