17 yanvar 2011 16:38
Azərbaycanlı futbolçu Türkiyədə fərqləndirildi
Azərbaycanlı futbolçu, hazırda Türkiyənin Bank Asiya birinci liqasında çıxış edən `Kartalspor`un qapıçısı Vitali Kovalyov qardaş ölkə mətbuatı tərəfindən fərqləndirilib. Azerisport.az xəbər verir ki, birinci dəstədə çıxış edən ən yaşlı futbolçuların siyahısını çıxaran həmkarlarımız 34 yaşlı Kovalyova da xüsusi toxunublar.
Türkiyəli jurnalistlərin yazdığına görə, bu çempionatda çıxış edən komandaların heyətində 38 və 37 yaşda 1, 36 yaşda 6, 35 yaşda 5, 34 yaşında isə 15 futbolçu var. Bunların əksəri yerli futbolçular olsa da, Kovalyov kimi, əcnəbilər də var. Həmkarlarımızın Vitali haqda qısaca məlumat da çatdırıblar: “Vital Kovalyov `Kartalspor`da çıxış edir. 1977-ci il sentyabrın 12-də Azərbaycanın paytaxtı Bakıda anadan olub. 2009-cu ildə `Kartalspor`a transfer olunan Kovalyov, mövsümün ilk dövrəsində komandanın heç bir matçında forma geyə bilmədi”.
