18 yanvar 2011 15:34
Biri qol vurdu, digəri buraxdı və... ən yaxşı oldular
“Birlik Kuboku”nun təşkilatçıları bu gün keçirilən `İnter` (Azərbaycan) - `İskra-Stal` (Moldova) matçının ən yaxşı futbolçularını müəyyənləşdiriblər. Azerisport.az xəbər verir ki, ilk iki oyunda elə də çox forma geyməyən Rövşən Əmiraslanov bu dəfə komandamızın ən yaxşısı olub.
Çox güman ki, buna onun matçdakı yeganə - qələbə qolumuzun müəllifi olması şərait yaradıb. `İskra-Stal`ın qapıçısı Rövşəndən qol buraxsa da, bütövlükdə hesabın böyük olmaması üçün çox çalışdı. Məhz bu üzdən Vladimir Lifşiç də Moldova klubunun ən yaxşısı seçilib. Qarşılaşmanın 1:0 Azərbaycan çempionunun xeyrinə başa çatdığını da vurğulayaq.
