18 yanvar 2011 16:38
Valeri Çalıy: `İnter` “Birlik Kuboku”nda çox irəliləyəcək
Bu gün “Birlik Kuboku”nun qrup mərhələsinin soncuncu – 3-cü turu çərçivəsində Azərbaycan çempionu `İnter`lə qarşılaşan və minimal hesablı məğlubiyyətlə üzləşən Moldovanın `İskra-Stal` klubunun baş məşqçisi Valeri Çalıy matçla bağlı fikirlərini açıqlayıb. Azerisport.az xəbər verir ki, o, bunları dilə gətirib:
“Təəssüf ki, bizim rəqibimizin heyətindəki kimi nə gənc, nə də təcrübəli oyunçularımız var ki, oyunu gücləndirə bilsinlər. Biz birinci hissədə özümüz üstünlüyü `İnter`ə versək də, onlar heç nə yarada bilmədilər. İkinci hissədə isə bizim təhlükəli vəziyyətlərimiz oldu. Fikrimcə, bütün komandaların burdakı məqsəd və vəzifələri eynidi. Biz də öz vəzifəmizi yerinə yetiririk. Hazırlıqlarımız öz qaydasıyla gedir. Mən futbolçularımı özlərinama görə təbrik etmək istərdim. Sadəcə bizim ehtiyat oyunçular skamyamız geniş deyil. Azərbaycan çempionuna gəlincə, onlar “Birlik Kuboku”nda çox irəliləyəcək”.
