18 yanvar 2011 11:34
Valeri Abramidze: Əsas mübarizə pley-offdan başlayacaq
Son Azərbaycan çempionu `İnter`in müdafiəçisi Valeri Abramidze azerisport.az saytının suallarını cavablayıb.
- Sizin ilk iki oyunuzda qazandığınız qələbələr asan rəqiblərinizlə düşməyinizdən xəbər vermir ki?
- Komandamız qarşısına böyük vəzifə qoyub. Ona görə də hər oyunda ancaq qələbə qazanmağa çalışırıq. Bu məsələyə gəlincə, rəqiblərimiz daha çox səhv buraxınca, bizim problemlərimiz görünmür. Əsas mübarizə 1/4 final mərhələsindən başlayacaq.
- Siz artıq bir dəfə `Xəzər Lənkəran`la bu turniri qazanmısız. İndi nə dəyişib?
- Hər bir komanda Sankt-Peterburqa qələbə qazanmaq üçün gəlir. Ancaq hər kəsin buna gücü çatmır. `İnter`in əla şansı var ki, finala çıxsın. Rəqiblər demək olar ki, eynidi, oxşar gücdəyik. Baxaq, görək necə alınır? Hesab edirəm ki, hazırda `İnter` yaxşı formadadı. Hər şey özümüzdən asılıdı.
- `İskra-Stal`a qarşı oyun `İnter` üçün çox vacibdi?
- Hər bir oyun vacibdi. Belə olmasaydı, biz qələbə qazana bilməzdik. Moldova klubları həmişə bizim üçün arzuolunmaz rəqiblər olublar. Bizə uduzmaq olmaz, çünki, `İnter` qrupdan lider kimi çıxmağı hədəfləyir.
- Komanda heç-heçəyə köklənməklə də buna nail ola bilər...
- Bizim üçün ancaq qələbə nəticədi. `İnter`də çox perspektivli gənclər var, onları yoxlamaq lazımdı. Düşünürəm ki, liderlərə istirahət veriləcək. Gənclərimiz də öz talelərini bu son görüşdə həll etməyə çalışmalıdılar.
- Ümumiyyətlə, `İnter`ə bu turnirdəki qələbə nə verəcək?
- Siz hesab edirsiz ki, uduzmaq bizim üçün daha yaxşı olardı? Əksinə. Əgər turnir öz əhəmiyyətini itiribsə, bizə yenə qələbə qazanmaq vacibdi. Burda yeganə çatışmazlıq kimi ancaq Rusiya və Ukrayna çempionlarının əsas heyəti göndərməməsini görürəm.
- `İnter`ə əsas rəqib kimi görürsüz?
- Bir sıra yaxşı klub var. Məsələn, Qazaxıstan `Tobol`u. Hansı ki, bu komandayla 1/4 –də oynaya bilərik. Mən onların oyununu görmüşəm. Düşünürəm ki, növbəti mərhələdə bizi ya onlarla, ya da `Skonto` ilə görüş gözləyir.
- Proqnozunuzu deyərdiniz: `İnter` nə qədər uzağa gedə biləcə?
- Biz kuboku qazanmaq istəyirik. Bundan nə çıxacağını isə hələlik bilmirik. Gəlin hələlik qrupdakı son oyunumuzu düşünək. Finala hələ bir neçə oyun var.
