18 yanvar 2011 00:00
AÇ-2011: Yaponiya və İordaniya da pley-offda
Qətərdə düzənlənən Asiya çempionatında qrup mərhələsinin sonuncu - üçüncü turunun növbəti oyunları keçirilib. Azerisport.az xəbər verir ki, qitə birinciliyinin 11-ci oyun günündə B qrupunda qərarlaşan komandaların taleyinə tam şəkildə aydınlıq gəlmiş olub.
Yaponiya ilk iki oyununda xala həsrət qalan Səudiyyə Ərəbistanı ilə qarşılaşıb. Rəqib qapısından 5 cavabsız qol keçirən yaponlar nəticədə xallarının sayını 7-yə çatdıraraq, pley-offa vəsiqə qazanıblar.
Günün digər matçı isə İordaniya Suriya ilə arasında keçirilib və kifayət qədər maraqlı mübarizəyə səhnə olub. Hər iki komanda növbəti mərhələyə adlamaq şansına malik olduğundan, sonadək mübarizə aparıblar. Hesabı suriyalılar açsa da, məğlub olmaq istəməyən iordaniyalılar sonda əzmkar qələbə sayəsində qrupdan çıxmağı bacarıblar.
Asiya Kuboku
Qrup mərhələsi
17 yanvar
B qrupu
İordaniya – Suriya – 2:1
Qollar: Dyab, 30-öz qapısına, Sayfi, 59 – Zeno, 15.
Səudiyyə Ərəbistanı – Yaponiya – 0:5
Qollar: Okazaki, 8; 13; 80, Maeda, 19; 51.
| 1 | Yaponiya | 3 | 2 | 1 | 0 | 8 | - | 2 | 7 |
| 2 | İordaniya | 3 | 2 | 1 | 0 | 4 | - | 2 | 7 |
| 3 | Suriya | 3 | 1 | 0 | 2 | 4 | - | 5 | 3 |
| 4 | Səudiyyə Ərabistanı | 3 | 0 | 0 | 3 | 1 | - | 8 | 0 |
