18 yanvar 2011 15:53
`Qarabağ` yeni ilə məğlubiyyətlə başladı (YENİLƏNİB)
Türkiyənin Antalya şəhərində təşkil olunan təlim-məşq toplanışını davam etdirən `Qarabağ` bu gün hazırlıq prosesi çərçivəsində ilk sınaq matçına çıxacaq. Azerisport.az xəbər verir ki, təmsilçimizin rəqibi Qazaxıstanın `Jetısu` klubu olacaq.
Qeyd edək ki, qazaxlarla görüş həm də Ağdam klubunun 2011-ci ildəki ilk oyunu olacaq. Yeri gəlmişkən vurğulayaq ki, bu görüşü azərbaycanlı hakimlər briqadası idarə edir. Matçın baş hakimi Hacıəli Ağayevdi. Qarşılaşmanın onlayn nəticəsi ilə saytımızda tanış ola bilərsiz.
Yoldaşlıq oyunu
18 yanvar
QARABAĞ - JETISU - 2:3
`Qarabağ` bu oyuna aşağıdakı start heyəti ilə çıxacaq: Fərhad Vəliyev, Maksim Medvedev, Aftandil Hacyev, Admir Teli, Ansi Aqolli, Rəşad Sadiqov, Samir Abbasov, Vüqar Nadirov, Nedzipi, Georgi Adamiya, Rauf Əliyev.
Baş məşqçi Qurban Qurbanov fasilədən sonra meydana fərqli heyət buraxmağa qərar verib: Sahil Kərimov, Ayxan Abbasov, Aslan Kərimov, Devran Ayhan, Samir Abasov, Emin İmaməliyev, Elvin Məmmədov, Tural İsgəndərov, Murad Səttarlı, İlqar Qurbanov, Andrey Rubins
Qazaxlar 62 (Morunov) və 64-cü dəqiqələrdə (Kusainov) vurulan qollarla təmsilçimizi məğlub edirlər
73-cü dəqiqədə Kusainov təmsilçimizi daha bir dəfə məyus edir
82-ci dəqiqədə Emin İmaməliyev penaltidən fərqi azaldır
90-cı dəqiqədə Murad Səttarlı buraxılan qollardan daha birinin əvəzini çıxdı
