18 yanvar 2011 12:32
`Kasımpaşa` - `Xəzər Lənkəran` görüşü tarixə düşdü
Bu gün “Topaz” brendi altında Azərbaycanda futbol mərc oyunlarına pul qoyuluşlarına start verilib. Azerisport.az xəbər verir ki, ilk pul qoyuluşlarına adları salınan oyunların sayı 42-di.
Pul qoyuluşu mümkün olacaq siyahıda ilk oyun isə bu gün Türkiyədə keçiriləcək `Kasımpaşa` və `Xəzər Lənkəran` arasındakı yoldaşlıq görüşüdü. Maraq üçün qeyd edək ki, bu oyunda `Kasımpaşa`nın qələbəsinə 2,15, XL-nın qələbəsinə 2,60, heç-heçəyə isə 3,25 əmsal qoyulub.
Eyni zamanda futbol mərc oyunlarının həvəskarları siyahıda yer alan digər 41 oyuna da pul qoya bilər. Həmin qarşılaşmalarda ümumiyyətlə 6 kateqoriya üzrə pul qoymaq mümkündü. Belə ki, mərc oyunlarının həvəskarları həm oyunda vurulacaq qolların sayına, həm ilk və ikinci hissələrdəki nəticəyə, həm oyunun ümumi nəticəsi, həm də ki, ikiqat şansa görə pul qoya biləcəklər.
