19 yanvar 2011 14:11
“Bilirəm ki, ermənilərlə qarşılaşma azərbaycanlılar üçün prinsialdı”
“Birlik Kuboku”ndakı təmsilçimiz, son Azərbaycan çempionu `İnter`in və milli komandamızın müdafiəçisi Vladimir Levin azerisport.az saytının suallarını cavablayıb.
- `İskra-Stal`la oyunda `İnter` qol vəziyyətlərinin çoxundan yararlana bilmədi. Niyə?
- Özünüz də bilirsiz ki, Moldova klubları Azərbaycan komandaları üçün həmişə arzuolunmaz rəqib olub. Ancaq biz normal oynadıq. Gənclərimiz 90 dəqiqə ərzində qol vəziyyətləri yaratmaqda davam etdilər və qol vurmağa çalışdılar. Düşünürəm ki, elə 1:0 hesabı da azarkeşlərimizi qane edir. İstənilən halda qələbə qələbədi. Həm də nəzərə almaq lazımdı ki, bir gün sonra bizi 1/4 final görüşü gözləyirdi. Bir sözlə istirahət yoxdu. Turnirin qrafiki bütün futbolçuların oynamasına şərait yaradır.
- Pley-offda Ermənistan `Mika`sıyla düşməyiniz gözlənilməz olmadı ki?
- Biz düşünürdük ki, bizə Qazaxıstanın `Tobol` klubu düşəcək. `Skonto` da düşə bilərdi. Ancaq hər şey belə alındı ki, ermənilərə qarşı oynamalı olacağıq. Bu yarımfinala çıxmaq üçün bir oyundu və çalışacağıq ki, qələbə qazanaq. Bilirəm ki, ermənilərlə qarşılaşma azərbaycanlılar üçün prinsialdı. Buna görə də matç ətrafında böyük ajitaj var.
- İlk üç oyundan sonra `İnter`in “Birlik Kuboku”ndakı çıxışıyla bağlı nə deyə bilərsiz?
- Hələlik `İnter` öz güclü oyununu göstərə bilməyib. Siz özünüz də gördünüz ki, asan rəqiblər düşmüşdü. Ancaq `İnter` daha güclü oyun da sərgiləyə bilər. Qələbə qazanmaq lazımdı. Hesab edirəm ki, kuboku qazana bilərik. Əsas özünəinamdı.
- Çoxları belə hesab edir ki, `İnter` zəif komandaların bolluğuna düşüb və heç bir rəqibi ondan güclü deyil...
- `Skonto` və `Zenit`in gənclərdən ibarət komandası çox yaxşı səviyyədədi. “Birlik Kuboku”nda bir sıra təcrübəli komandalar çıxış edir, hansı ki, bizə problem yarada bilərlər. Odu ki, gəlin turnirin başa çatmasını gözləyək. Finaldan sonra hamı biləcək ki, kim, nəyə qadirdi? Bütün komandalar bura qələbə üçün gəlib. `İnter` Azərbaycanı təmsil edir və maksimum nəticə göstərməyə borcludu.
- “Birlik Kuboku”ndan sonra sizi milli komandanın toplanışı gözləyir. Dərhal toplanışa yollanmaq problem yaratmayacaq ki?
- Bizim işimiz belədi. Çox şadam ki, milli komandayla yenidən yoldaşlıq görüşünə çıxacağıq. Komanda təcrübə topladıqca, daha da güclənir. Dubay toplanışı bizə seçmə mərhələ oyunları öncəsi bir qədər də artırmağa imkan verəcək. Axı biz mümkün qədər çox xal toplamağa çalışırıq.
