Neftçi yeni ildəki ilk matçında qələbə qazana bilmədi (YENİLƏNİB)

Türkiyənin Antalya şəhərində təlim-məşq toplanışında olan Bakının `Neftçi` klubu bu gün yeni ildə ilk oyununa çıxıb. Azerisport.az xəbər verir ki, Premyer Liqamızın liderinin 2011-ci ildəki ilk rəqibi Rusiyanın `SKA-Energiya` komandası olub.

 

Ancaq paytaxt klubu aşağı divizion klubuyla mübarizədən qalib ayrıla bilməyib - 1:1. Qeyd edək ki, `Neftçi` əslində bu gün Rusiyanın `Rubin` komandası ilə qarşılaşmalı idi. Lakin məlum səbəblərə görə, paytaxt klubu bu klubla qarşılaşmaqdan imtina etdi və Rusiyanın digər klubu ilə razılığa gəldi.

 

Yoldaşlıq oyunu

19 yanvar

Neftçi - SKA-Energiya - 1:1

 

Neftçinin start heyəti: Rauf Mehdiyev, Rail Məlikov, Denis Silva, İqor Mitreski, Ruslan Abışov, Elmar Baxşiyev, Slavko Georgievski, Mirhüseyn Seyidov, Ruslan Qurbanov, Cavid Hüseynov, Emil Mpenza.

 

Oyun başladı

Qarşılaşmanın əvvəlləri Neftçi`nin üstünlüyü şəraitində keçir

Neftçi rəqibi əks-hücumda yaxalamaq imkanını əldən verir

Ruslan Qurbanovun başla zərbəsi təhlükəli alınır

Emil Mpenza topu rəqib qapıdan keçirsə də, hakim ofsayd qərarını verir

İlk yarının sonlarında SKA-Energiya`nın hücumu zamanı qapıçı Rauf Mehdiyev rəqibin zərbəsini tutdu

Birinci hissə başa çatdı

 

İkinci hissə başladı

Qapıçı Elçin Sadıqov, oyunçular Tərlan Quliyev, Ruslan Əmircanov, Cavid İmamverdiyev və baxışda olan Hima Yasin ikinci hissədə meydana çıxıblar. Onlar Rauf Mehdiyev, Rail Məlikov, Ruslan Abışov, Elmar Baxşiyev və Mirhüseyn Seyidovun əvəzinə meydana çıxıblar

Denis Silva zədələnərək, meydanı tərk edir.

Cavid Hüseynovun əvəzinə meydana Eltun Yaqublu daxil oldu

Qol! Neftçi hesabı açdı. Ruslan Qurbanov 73-cü dəqiqədə komandasını hesabda irəli çıxardı - 1:0

Cavid Hüseynovun əvəzinə meydana Eltun Yaqublu daxil oldu.

77-ci dəqiqədə rusiyalı futbolçular cərimə zərbəsindən hesabı bərabərləşdirdilər - 1:1

80-ci dəqiqədə Neftçi hesabda yenə önə çıxa bilərdi. Amma rəqib qapıçı Tərlan Quliyevin zərbəsindən sonra qola imkan vermədi

82-ci dəqiqədə Emil Mpenza qapıçı ilə təkbətək çıxsa da, onu keçə bilmədi

Oyun başa çatdı