19 yanvar 2011 00:16
`İnter`in `Mika`yla düşməsi AFFA rəhbərliyini də ayağa qaldırdı
AFFA rəhbərliyi Azərbaycanın Sankt-Peterburqdakı konsulluğuna müraciət ünvanlayıb. Azerisport.az xəbər verir ki, müraciətdə bu şəhərdə keçirilən “Birlik Kuboku”nda çıxış edən son Azərbaycan çempionu `İnter`ə lazımı azarkeş dəstəyinin təşkil olunması xahiş olunub.
Qeyd edək ki, “bankirlər” bu gün turnirin 1/4 final mərhələsində Ermənistan təmsilçisi `Mika` ilə qarşılaşacaq. Məhz bu üzdən bizim üçün kifayət qədər prinsipial xarakterə malik bu qarşılaşmada hər şeyin lehimizə olmasına çalışan AFFA rəhbərliyi hətta baş katib Elxan Məmmədovu da Rusiyaya göndərib.
