19 yanvar 2011 00:34
`Mika`nın baş məşqçisi: `İnter`lə oyun bizim üçün adi bir matçdı
“Birlik Kuboku”nun 1/4 final mərhələsində son Azərbaycan çempionu `İnter`ə rəqib olan Ermənistanın `Mika` klubunun baş məşqçisi Armen Şahgeldyan azerisport.az saytının suallarını cavablayıb.
- `İnter`lə oyun sizin üçün nə ifadə edir?
- Adi bir matçdı, hansı ki, qələbə qazanmaq istəyirik. Bu gün də belə rəqiblərimizdən biri `Bunedkor`la qarşılaşmada buna nail ola bildik.
- Nə əcəb sizin üçün heç bir prinsipial əhəmiyyət kəsb etmir?
- Mən diplomat, siyasətçi yox, futbol komandasının baş məşqçisiyəm. Mənim işim idmandı. Buna görə də mən burda hansısa başqa bir prinsipiallıq görmürəm.
- Hər halda bu təmsilçilərin ölkələri uzun müddətdi sülh və razılıq şəraitində yaşamır, bu, oyunçularınıza təsir etmir?
- Xeyr. Məşqçi korpusu bu məsələnin həlli ilə məşğul olur. Bizim üçün `İnter`lə matç adi qarşılaşmadan başqa heç nə deyil.
- Rəhbərlik artıq qarşınıza vəzifə qoyub?
- Əlbəttə. Biz artıq pley-offdayıq və mümkün qədər nəticəmizi yaxşılaşdırmalıyıq. Bu gün biz 1/4 finalda çıxış edirik, ardından yarımfinal. Əgər keçə bilsək, final haqda da düşünəcəyik.
- Hansı komandanı turnirin favoriti hesab edirsiz?
- Mənim üçün favorit yoxdu. Mən ancaq öz komandam və rəqiblərimiz haqda düşünürəm. Bu günə kimi `Bunedkor` idi, indi isə `İnter`di.
- Biz diqqət yetirmişik ki, komandanızda legionerlərin sayı azıd. Bu, klubun siyasətidi?
- Tamamilə doğrudu. Bizdə cəmi 4-5 əcnəbi futbolçu var. AÇ-2012-nin seçmə mərhələsində uğurlu çıxış edən Ermənisatn millisində də bir yetirməmiz çıxış edir. Yeri gəlmişkən, biz martda Rusiyaya qalib gələ bilsək, Avropa çempionatına düşmək şanslarımızı da artıracağıq.
- Sizcə, “Birlik Kuboku”nda iştirak vacibdi?
- Bəli. Əgər biz Latviya, Finlandiya, Rusiya və digər ölkələrin təmsilçiləri ilə qarşılaşırıqsa, deməli, bu turnir vacibdi. Gələn il turnir yubiley – 20-ci ilinə qədəm qoyacaq. Bu isə, az yaş deyil.
