20 yanvar 2011 16:55
Qarabağ da məşqdən öncə şəhidləri andı (FOTO)
“Qarabağ” Antalyada keçirdiyi təlim-məşq toplanışını davam etdirir. Azerisport.az xəbər verir ki, komanda artıq bu günə nəzərdə tutulan bir məşqi arxada qoyub.
Saat 10:15-də start götürən səhər məşqi 1 saat 45 dəqiqə davam edib. Məşqdən öncə isə 21 il öncə baş vermiş 20 yanvar hadisəsinin şəhidlərinin anım mərasimi baş tutub. Komandanın baş məşqçisi Qurban Qurbanov bu səbəblə nitq söyləyib. O, baş verən hadisənin təfsilatına toxunaraq 20 yanvar hadisəsinin mahiyyəti haqqında danışıb. Müstəqilliyimizin əldə edilməsində 1990-cı ildə 20 Yanvarda tökülən insan qanının nə qədər böyük rol oynadığını vurğulayıb.
Adınca günün ilk məşqinə start verilib. Xəstə futbolçulardan Namiq Yusifov artıq məşqlərdə iştirak etməyə başlayıb. Zaur Həşimov isə bu gün də məşqi kənardan izləyib. Maksim Medvedev ayrılıqda çalışıb. Onun ayağında ağrılar qaldığına görə müdafiəçi fizioterapevt nəzarətində məşq edir.
