İnter`dən Zenit`ə beşinci zərbə (YENİLƏNİB)

Bu gün Azərbaycanın “İnter” klubu "Birlik Kuboku”nun yarımfinal mərhələsində Rusiyanın “Zenit” komandası ilə qarşılaşdı. Azerisport.az xəbər verir ki, Sankt-Peterburqda təşkil olunan turnirin ilk yarımfinal oyunu Azərbaycan çempionu üçün uğurlu nəticələnib.

 

Birlik Kuboku

Yarımfinal

21 yanvar

 

İNTER - ZENİT - 5:0 (3:0)

QOL: Karlsons, 2 (1:0), Zlatinov, 7 (2:0), Karlsons, 15 (3:0), Karlsons, 53 (4:0), Əmiraslanov, 68 (5:0)

 

İNTER: Lomaya (Ağayev, 72), Daşdəmirov, Abramidze, Levin (Assioli, 55), Kandelaki, Çertoqanov (Rəhimov, 46), Çervenka, Zlatinov (Cxadadze, 55), Kruqlov (Yeqorov, 46), Obikadze (Əmiraslanov, 64), Karlsons (Mjavanadze, 55).

ZENİT: Zayçev, Batov (Panfilov, 59), Murixin (Çıqanov, 30), S.Petrov, A.Petrov (Moqileviç, 30), Sirotov (Şuvalov, 39), Suşkin (Zinkov, 69), Telegin, Çeminava (Kayukov, 17), Matyaş, Kostin.

 

Oyun başladı. Azərbaycan çempionuna uğurlar arzulayırıq
1. Komandamız oyuna hücumlarla başlayır
2. QOOOOOOOL...Karlsons erkən qola imza atır - 1:0
Obikadzenin zərbəsi dirəkdən dönsə də, Karlsons özünü çatdırıb, təkrar zərbəylə hesabı açır
7. QOOOOOOOOOOOOLL..Petar Zlatinov rusları şoka salır - 2:0
Zlatinovun zərbəsi dirəkdən dönsə də, təkrar zərbəsi qolla nəticələnir
15. QOOOOOL....Karlsonsdan Rusiya çempionuna növbəti zərbə - 3:0
Zlatinovun asmasını Karlsons başla tora qovuşdurur
17. Rəqib komandada erkən əvəzləmə. Çeminavanı Kayukov əvəzləyir
19. Çertoqanovun uzaqdan zərbəsi dəqiq olmur
23. Zenit`in təhlükəli hücumu ola bilərdi, amma müdafiəçilərimiz onlara imkan vermir
27. Levin sarı vərəqə alır
28. Batovun zərbəsi yaxşı alınsa da, hər şey bizim üçün uğurlu alınır
30. A.Petrovu Moqileviç, Murixini Çıqanov əvəzləyir
31. Çertoqanov sarı vərəqə alır
32. Obikadze qapıçıyla təkbətək çıxsa da, əlverişli vəziyyətdə topu yandan vurur
33. Çertoqanovun uzaqdan zərbəsini qapıçı tutur
36. "İnter" artıq daha çox rəqibi topsuz saxlamağa çalışır
38. Zlatinov dubla imza ata bilərdi. Ancaq rəqib qapıçı bu dəfə sayıq oynayır
39. Sirotovu Şuvalov əvəzləyir
40. Çertoqanov zədələnir və meydanın kənarına aparılır
45. Birinci hissə başa çatır

 

46. İkinci hissə başlayır
46. Çertoqanovu Şəhriyar Rəhimov, Kruqlovu Yeqorov əvəzləyir
49. “İnter” ikinci hissədə də topa daha çox nəzarət etməkdədi
51. Karlsonsun zərbəsi qapıdan azca yan keçir
53. QOOOOOL. Karlsons fərqi artırır. Latviyalı hücumçu Obikadzenin ötürməsindən sonra het-trikini rəsmiləşdirir
55. Karlsonsu Mjavanadze, Zlatinovu Sxadadze, Levini Assioli əvəzləyir
59. Batovu Panfilov əvəzləyir
60. “Zenit”in hücumları bəhrəsiz qalır
61. Sxadadzenin zərbəsi qapının üstündən keçir
64. Obikadzeni Əmiraslanov əvəzləyir
67. Çervenkanın zərbəsi qapıdan azca yan keçir
68. QOOOOL...Əmiraslanov da sözünü deyir və çox gözəl qola imza atır – 5:0
70. Yeqorovun zərbəsini rəqib qapıçı dəf edə bilir
72. Lomayanı Səlahət Ağayev əvəzləyir
88. “Bankirlər” altıncı qolu vurmağa yaxın idi. Ancaq hər iki halda top yan keçir.
Matç başa çatdı. “İnter” artıq finaldakı rəqibini gözləyir