22 yanvar 2011 01:06
Turan Kondevi gətirdi, Kerçov da gəlir
“Turan” Türkiyənin Antalya şəhərindəki təlim-məqş toplanışını davam etdirir. Azerisport.az xəbər verir ki, Tovuz klubu qardaş ölkədə altıncı məşq gününü də arxada qoyub.
Ənənəvi olaraq dünən də iki məşq keçən Naci Şensoyun yetirmələrinin sırası da genişlənməkdə davam edir. Məhz dünən Elnur Abbasov, Marko Tulio ilə yanaşı, Bolqarıstanın “Pirin” komandasından dəvət olunan Boris Kondev də düşərgəyə qoşulub və ayrıca fiziki hazırlıqla məşğul olublar. Bu gün isə düşərgəyə daha bir futbolçunun Martin Kerçovun gəlişi gözlənilir.
Bu gün isə Tovuz təmsilçisi ikinci sınaq matçına çıxacaq. Şensoy yetirmələrini Almaniyanın “Lübeki” klubu ilə görüşdə sınaqdan keçirəcək.
