22 yanvar 2011 00:00
AÇ-2011-in ev sahibi turnirdən kənarlaşdırıldı
Qətərdə düzənlənən Asiya çempionatında 1/4 final mərhələsinin oyunlarına start verilib. Azerisport.az xəbər verir ki, qitə birinciliyinin pley-off mərhələsindəki ilk oyun günündə iki qarşılaşma baş tutub.
Qitə çempionatına ev sahibliyi edən Qətər Yaponiya ilə qarşılaşıb. Gərgin və maraqlı idman mübarizəsi şəraitində keçən qarşılaşmada meydan sahibləri iki dəfə hesabda önə keçsələr də, son dəqiqələrdə buraxılan qolla meydandan məğlub ayrılıblar. Halbuki, yaponlar yenik duruma düşdükdən sonra məhz azlıqda olduqları halda iki qol vurmağı bacarıblar. Nəticədə meydan sahibləri turnirlə vidalaşıb, Yaponiya isə ilk yarımfinalçı olub.
Özbəkistan isə İordaniya ilə qarşılaşıb və 2:1 hesablı qələbə sayəsində növbəti yarımfinalçı olub.
Asiya Kuboku
1/4 final
21 yanvar
Yaponiya - Qətər - 3:2
Qollar: Kaqava, 27; 70, İnoha, 90 – Soria, 12, Sezar, 63.
Özbəkistan – İordaniya – 2:1
Qollar: Bakayev, 47; 49 – Yasin, 57.
22 yanvar
Avstraliya - İraq
İran – Cənui Koreya
