22 yanvar 2011 12:06
Neftçi Bakıda məşqlərini bərpa etdi
Türkiyənin Antalya şəhərində ilk təlim-məşq toplanışını arxada qoyan "Neftçi" bir günlük istirahətin ardından Bakıda məşqlərə başlayıb. Azerisport.az xəbər verir ki, artıq fiziki hazırlıq üzrə türkiyəli mütəxəssis Mehmet Ak da Bakıda ilk məşqinə çıxıb.
Komandanın bu günkü məşqində makedoniyalı legionerlər İqor Mitreski, Slavko Georgiyevski, belçikalı Emil Mpenza, braziliyalı müdafiəçi Denis Silva və qapıçılarla işləyən məşqçi Neboyşa Manoyloviç iştirak etməyib. Onlar komandanın baş məşqçisi Arif Əsədovdan icazə alaraq, yanvarın 24-də flaqmanın Antalyada start götürəcək ikinci təlim-məqş toplanışına qatılacaqlar. Həmçinin, "Neftçi"nin kapitanı Rail Məlikov, eləcə də Elmar Baxşiyev və Tural Nərimanov da həkim nəzarətində olduqları üçün Bakıdakı ilk məşqə qatılmayıblar.
Qeyd edək ki, flaqman bu gün və sabah paytaxda məşqlərini davam etdirəcək. Yanvarın 24-də isə komandamız ikinci təlim-məşq toplanışı üçün Türkiyəyə yola düşəcək.
