22 yanvar 2011 00:30
Starkov: Bakı onlardan yox, onlar Bakı`dan imtina edib
“Bakı”nın yeni baş məşqçisi Aleksandr Starkov Anqulo Cefferson, Jaba və Leonardo Roşanın xidmətlərindən imtina etməsinə dair situasiyaya münasibətini açıqlayıb. Azerisport.az saytına müsahibəsində latviyalı mütəxəssis bunları dilə gətirib:
“Bakı” o futbolçulardan imtina etməyib, onlar “Bakı”dan imtina edib. Niyə? Ona görə ki, təlim-məşq toplanışına gəlməyiblər. Mən bunu başqa cür qiymətləndirə bilmərəm. Mənə komandaya kömək edəcək futbolçular lazımdı. Onsuzda tezliklə onlarla yollarımızı ayıracağıq.”
Mahmud Qurbanovun komandanın ən yaşlı futbolçusu olmasına baxmayaraq heyətdə yer almasına toxunan baş məşqçi bunları söyləyib: "Mən futbolçunun pasportuna baxmıram. Əsas onun meydanda necə təsir bağışlamasıdı. Bu gün Mahmud Qurbanov meydanda pozitiv fəaliyyəti ilə yadda qaldı".
"Hansı mövqelərə yeni futolçular dəvət oluna bilər" - sualına isə latviyalı mütəxəssis belə cavab verib: "Transferlər barədə danışmaq hələ tezdi. 3-4 yoxlama oyunundan sonra konkret bir fikir söyləmək olar. Hələ ki, komanda ilə tanışlığı davam etdirirəm".
