23 yanvar 2011 14:40
Beşiktaş Azərbaycanda futbol məktəbi açır
Türkiyənin aparıcı klublarından olan “Beşiktaş” rəhbərliyi Azərbaycanda futbol məktəbi açmağa hazırlaşır. Azerisport.az xəbər verir ki, bu haqda İstanbul klubunun uşaq məktəbləri şöbəsinin rəhbəri Nedim Sarsmaz məlumat verib.
“Beşiktaş” markasına çox böyük tələb var. Buna görə də bir sıra ölkələrdə “Beşiktaş” məktəblərinin açılması yönündə işlərimiz davam edir. Yaxın günlərdə Avstraliyada belə bir məkətimiz fəaliyyətə başlayacaq. Bu məktəblərdə yalnız futbol, yox, voleybol, basketbol, gimnastika, şahmat və digər idman növləri üzrə də uşaqları hazırlamağı düşünürük. Oxşar tədris müəssisələrinə Braziliya, Misir, Küveyt, İraq, Kosova və Azərbaycan kimi ölkələrdə də tələb var. Artıq bu yöndə layihələr hazırlanmaqdadı”.
