24 yanvar 2011 20:48
Zarya XL-a da AZAL-ın aqibətini yaşatdı (YENİLƏNİB)
Türkiyənin Antalya şəhərindəki təlim-məşq toplanışını davam etdirən “Xəzər Lənkəran” bu gün qardaş ölkədəki hazırlıq prosesi çərçivəsində növbəti yoxlama matçını keçirib. Azerisport.az xəbər verir ki, komandamızın bu dəfəki rəqibi də Ukrayna təmsilçisi – “Zarya” olub.
Görüş Ukrayna təmsilçisinin qələbəsiylə başa çatıb. Qeyd edək ki, Mirça Rednikin komandası dünən bu ölkənin digər təmsilçisi “Krivbass” klubuyla qarşılaşmış və minimal hesabla qələbə qazanmışdı. Lakin güclü yağış səbəbindən həmin görüş başa çatmamış və 75-ci dəqiqədə yarımçıq dayandırılmışdı. Ondan əvvəlki "Atırau" (Qazaxıstan) və "Kasımpaşa" (Türkiyə) ilə oyunlarda isə təmsilçimiz müvafiq olaraq 1:2 və 1:4 hesablı yenilgilərlə üzləşmişdi.
Onu da qeyd edək ki, “Zarya” bir neçə gün öncə Türkiyədə hazırlıq keçən digər komandamız AZAL ilə də görüşmüş və 2:0 hesabıyla qələbə qazanmışdı.
Yoldaşlıq oyunu
24 yanvar
Xəzər Lənkəran – Zarya - 1:3 (0:1)
26-cı dəqiqədə rəqib komandada Sakiç hesabı açır
Qoldan iki dəqiqə sonra Kasyan komandamıza daha bir qol vurmağa yaxın olub. Lakin Sakiçin ötürməsindən sonra o, tiri nişan alıb.
İlk yarıdan sonra hesab 0:1 rəqibin xeyrinədi. Ancaq ukraynalıların daha çox qol vurmaq şansı var idi. XL daha çox baxışda olan qapıçı Dalton Munarettoya minnətdar olmalıdı.
57-ci dəqiqədə rəqib oyunçuya qarşı kobud oyuna görə XL-ın qapısına penalti təyin edir. Zərərçəkən Lipartiyanın özünün yerinə yetirdiyi zərbə dəqiq olur - 0:2
Alim Qurbanov hesab arasındakı fərqi azaldır
78-ci dəqiqədə "Zarya" daha bir qol vurur. Maksim Belıy komandasının üstünlüyünü yenə 2 topa çatdırır
