26 yanvar 2011 11:25
Adebayor rəsmən Real`da, Van Bommel Milan`da
Avropada transfer pəncərəsinin bağlanması ərəfəsində əksər klublar bir sıra şok transferlər həyata keçiriblər. Azerisport.az xəbər verir ki, bu mənada Van Bommelin “Milan”a, Emmanuel Adebayorun isə “Real”a keçidi daha böyük əks-səda doğurub.
Almaniyanın “Bayern” klubunun kapitanı olan Mark van Bommel İtaliya təmsilçisinə havayı başa gəlib desək, yanılmarıq. Belə ki, hollandiyalı yarımmüdafiəçi Münhen klubu ilə müqaviləsinin vaxtı başa çatdığından, artıq bu komandada qalmaq istəməyib. Baş məşqçi Lui van Qalla münasibətləri pozulduğu üçün klub rəhbərliyindən onu buraxmasını tələb edən futbolçu dərhal Milanın eyniadlı təmsilçisiylə müqavilə bağlayıb.
Adebayor isə gözlənilmədən uğurlu çıxış etdiyi İngiltərənin “Manchester City” klubunu tərk etməyə razı olub. Xeyli müddət idi ki, hücumçu axtarışında olan İspaniyanın “Real” klubu sabiq hücumçusu Van Nistelroyu geri qaytara bilməyincə məhz bu futbolçuyla maraqlanmağa başlayıb. İngilislər isə futbolçunu yalnız icarə əsasında Madrid klubuna buraxmağa razı olublar.
