27 yanvar 2011 14:09
Doqquz futbolçu Qarabağ`dan ayrıldı
“Qarabağ” Antalyadakı təlim-məşq toplanışını davam etdirir. Azerisport.az xəbər verir ki, bu gündən etibarən komanda hazırlığın sonuna qədər tam heyətlə hazırlaşa bilməyəcək.
Belə ki, milli komandaların toplanışı ilə əlaqadər 9 futbolçu komandanın düşərgəsindən ayrılıb. Artıq Antalyada təlim-məşq toplanışına başlayan U-21 millisinə dünən Osman Umarov, Tural İsgəndərov, Murad Səttarlı yollanıb. Adıçəkilən futbolçular bu səbəbdən dünən “İllicyvets”lə baş tutan yoxlama oyununda da çıxış edə bilməyiblər. U-21-ə çağrılmış digər futbolçu Qara Qarayev isə dünənki yoxlama oyunundan sonra millinin düşərgəsinə yollanıb.
Digər 5 futbolçu isə Dubayda keçiriləcək əsas millinin təlim-məşq toplanışına yola düşüb. Dünən gecə Maksim Medvedev, Samir Abasov, Rauf Əliyev, Elvin Məmmədov, Vüqar Nadirov Antalya–İstanbul–Dubay reysiylə BƏƏ-yə yollanıblar.
