28 yanvar 2011 21:47
XL Chernomorets`ə də uduzdu (YENİLƏNİB)
Türkiyənin Antalya şəhərindəki təlim-məşq toplanışını davam etdirən “Xəzər Lənkəran” bu gün qardaş ölkədəki hazırlıq prosesi çərçivəsində növbəti yoxlama matçına çıxıb. Azerisport.az xəbər verir ki, komandamızın bu dəfəki rəqibi də Ukrayna təmsilçisi – “Chernomorets” (Odessa) klubu olub.
Antalyada yağan yağış bu matçın keçirilməsi nəzərdə tutulan meydanın ot örtüyünü tamamilə su altında qoyduğundan təfəflər yeni arena axtarmaq məcburiyyətində qalıb. Stadion tapılmasa, qarşılaşma baş tutmayacaqdı. Lakin 19:00-da keçirilməsi nəzərdə tutulan görüş 1 saat gecikməylə də olsa, oynanıldı. Klublar başqa bir meydança taparaq, münasibətlərinə orda aydınlıq gətirdilər.
Kifayət qədər məhsuldar alınan matçda "Xəzər Lənkəran" iki dəfə rəqib qapısına yol tapsa da, hər ikisində hesabı bərabərləşdirməyə sevinib. Ukraynalıların son qolu isə onlara qələbə qazandırıb - 2:3.
Qeyd edək ki, “Xəzər Lənkəran” bu oyunadək Antalyadakı 5 sınaq matçında “Atırau”ya (Qazaxıstan) 1:2, “Kasımpaşa”ya (Türkiyə) 1:4, “Zarya”ya (Ukrayna) 1:3 uduzduğu halda, “Krivbass”a (Ukrayna) da 1:0 hesabıyla qalib gəldiyi vaxt, matçın 75-ci dəqiqəsində güclü yağış səbəbindən oyunun davam etdirilməməsi qərara alınmışdı. Ukrayna “Metallurq”u (Zaporojye) ilə son görüşdə isə 1:1 hesabı qeydə alınmışdı.
Yoldaşlıq oyunu
28 yanvar
20:00. XƏZƏR LƏNKƏRAN – CHERNOMORETS - 2:3
Ukraynalılar 10-cu dəqiqədə hesabı açıblar
Komandamız 23-cü dəqiqədə hesabı bərabərləşdirir. Lakin Adrian Pitin qolundan az sonra ukraynalılar yenidən hesabda önə keçirlər
60-cı dəqiqədə Banqura yenidən hesabı bərabərləşdirsə də, az sonra "Chernomorets" qələbəni əldən vermək istəmir
