29 yanvar 2011 21:34
Yığmamızın baş məşqçisi: Belə qələbələr özünəinamı artırır
17 yaşadək futbolçulardan ibarət Azərbaycan yığması ilə “Türkiyemspor” klubunun U-19 komandası arasında bu gün keçirilən yoldaşlıq oyunundan sonra yığmamızın baş məşqçisi Təbriz Həsənov fikirlərini bildirib. Azerisport.az xəbər verir ki, komandamızın qələbə qazandığı görüşdən sonra Həsənov bunları dilə gətirib:
“Futbolçularımızın gərgin oyunlara alışması üçün yaş etibarilə daha böyük rəqiblərlə oynamağa üstünlük veririk. Belə qarşılaşmalarda qazanılan qələbələr komandada özünəinamı artırır. Bu gün bütün futbolçulara oynamaq şansı verdim. Sevindirici haldır ki, komandanın bütün üzvləri sona qədər mübarizə apardılar və qələbə qazandıq”.
