Neftçi Avstriya klubunu da məğlub etdi (YENİLƏNİB)

Türkiyənin Antalya şəhərində təlim-məşq toplanışında olan Premyer Liqamızın lideri “Neftçi” bu gün qardaş ölkədə növbəti sınaq matçına çıxıb. Azerisport.az xəbər verir ki, paytaxt klubunun bu dəfəki rəqibi Avstriyanın “Şturm Graz” klubu olub və növbəti qələbəsini qazanıb.

 

Qeyd edək ki, bu, Arif Əsədovun komandası Antalyadakı ilk hazırlıq prosesi dövründə Rusiyanın "SKA-Energiya" klubu ilə qarşılaşmış və oyun 1:1 hesabı ilə başa çatmışdı. Bu dəfəki toplanış dövründə isə Ukraynanın “Arsenal” klubuyla qarşılaşmada 2:1 hesablı qələbə əldə olunmuşdu.

 

Yoldaşlıq oyunu

29 yanvar

 

NEFTÇİ – ŞTURM GRAZ - 2:0 (2:0)

 

"Neftçi": Rauf Mehdiyev, Terlan Quliyev, İqor Mitreski, Denis Silva, Ruslan Əmircanov, Slavço Georgievski, Mirhüseyn Seyidov, Cavid İmamverdiyev, Rəşad Abdullayev, Ruslan Qurbanov, Bahodir Nasimov.

 

"Şturm"un start heyəti: Qratsey, Ernrayş, Şildenfild, Feldhofer, Pyuerhar, Volf, Veber, Foda, Hotsl, Kinast, Salmutti.

 

Matç başladı

İlk dəqiqələrdən komandamız hücumdadı

5-ci dəqiqədə Qurbanovun zərbəsi...ancaq qapıçı yerindədi

Qol! 9-cu dəqiqədə qapıçı ilə təkbətək çixan Bahodir Nasimov topu tora qovuşdurdu

Avstriyalılar yalnız buraxılan qoldan sonra hücum haqqında düşünməyə başlayıblar. Buna baxmayaraq, rəqib "Neftçi"nin qapısı qarşısında heç bir təhlükəli vəziyyət yarada bilmir

17-ci dəqiqədə rəqib ilk qol imkanına malik oldu. Rauf Mehdiyev topu tutmaq istəyərkən, səhvə yol verdi. Top rəqib oyunçuya düşdü. Ardıcıl qapıya vurulan zərbələrin qarşısını əvvəlcə Ruslan Əmircanov, ardından Rauf aldı

Qol! 22-ci dəqiqədə Rəşad Abdullayevin ötürməsini Bahodir Nasimov başla qapıya göndərdi - 2:0

Hər iki komanda fəal olsa da, hələlik bunu qola çevirə bilmirlər

Oyun yenə də əsasən mərkəz xəttin yaxınlığında gedir. Son dəqiqələrdə yalnız Rauf Mehdiyevin rəqib futbolçu ilə toqquşması yadda qalıb. Yaxşı ki, zədə ciddi olmadı və o, oyunu davam etdirir

 

İkinci hissə başladı

Emil Mpenza ilə Araz Abdullayev Qurbanovla Seyidovu əvəzləyir

Avstriyalılar ikinci hissəyə kobud oyunla başlayırlar. Onlardan birinin zərbəsi Arazın üzünə dəyir

58-ci dəqiqədə Rəşad Abdullayev və Bahodir Nasimovun yerinə Flavinyo və Elmar Baxşiyev mübarizəyə qoşulur

61-ci dəqiqədə Araz Abdullayev əla keçiddən sonra qapı önünə ötümə versə də, Mpenzanın baş zərbəsini "Şturm"un qapıçısı tutur

66-cı dəqiqədə Rauf Mehdiyev komandasını real qoldan xilas edir

72-ci dəqiqədə "Neftçi"də qapıçı Rauf Mehdiyev yerini Elçin Sadıqova verir

Elə bir dəqiqə sonra o, komandasını qoldan xilas edir

Denis Silvanı Tural Nərimanov əvəzləyir

Kərim Diniyev də Tərlan Quliyevi əvəzləyir

Arif Əsədov gənc futbolçular - Elyun Yaqublu və Malik Babayevi də meydana daxil edir

Matç başa çatdı