30 yanvar 2011 13:42
“Özü indi Azərbaycan gözəliylə birlikdədi” (FOTO)
Türkiyədə 2007-ci ilin Best Model Kraliçası seçilən Neslihan Öndər həyat yoldaşı Erkan Ergün tərəfindən döyülüb. Azerisport.az xəbər verir ki, vaxtilə “Adanaspor”un şərəfini qoruyan bu keçmiş futbolçunun yaratdığı qalmaqalın Azərbaycanla da bağlılığı var.
Məsələ burasındadı ki, ünlü maneken Türkiyə mətbuatına açıqlamasında ərinin hazırda bir azərbaycanlı gözəllə birgə olduğunu, amma buna rəğmən, yenə ondan əl çəkmədiyini bildirib: “Erkan məni 21 gün öncə döymüşdü. Xəstəxanalıq oldum. Dodağım partladı, qulağım yırtıldı. Əsəblərim pozuldu. Özü indi Azərbaycan gözəliylə birlikdədi. Eyni zamanda mənimlə olmaq istəyir. İki gün öncə yenə evə gəldi və məni döydü. Yastıqla boğmağa çalışdı. Dostumla anam məni çətinliklə xilas etdi. Polis idarəsinə aparılsaq da, hətta orda da məni öldürməklə hədələdi. Deyir, səni kimsəyə yar etmərəm”.
Qeyd edək ki, Neslihan Önder Erkan Ergun ilə 4 il öncə evlənib. O vaxtlar futbol oynayan, indi isə əyləncələrə daha çox vaxt ayırıb, top oyununun daşını atan Erkanın bu özbaşnalığı Neslihanın ərindən boşanmaq istəməsinə səbəb olub. O, həmçinin eks-futbolçudan 1.5 milyon TL təzminat da tələb edir.
