30 yanvar 2011 14:34
AZAL Levski`nin sabiq oyunçusunu heyətinə qatdı (FOTO)
AZAL qış transfer pəncərəsi dövründə baxışa çağırdığı daha bir futbolçuyla münasibətlərini rəsmiləşdirib. Azerisport.az Bolqarıstan mətbuatına istinadən verir ki, Nazim Süleymanovun Antalya toplanışında sınaqdan keçirdiyi Enyo Krastovçevlə razılığa gəlinib.
Qeyd edək ki, Enjo Krastovçevi 7 fevral 1984-cü ildə Bolqarıstanda anadan olub. Futbolun sirrlərini "Marek"də öyrənən futbolçu 2002-ci ildə bu komandanın əsas heyətinə cəlb olunub. 2008-ci ilə qədər "Marek"də 82 oyun keçirən futbolçu 17 qola imza alıb. 2008-2010-cu illərdə "Levski"də 26 oyun keçirib, 11 qol vuran Krastovçev ötən il Yunanıstanın "Etnikos" klubuna transfer olunub. O, 2003-2005-ci illərdə 12 dəfə Bolqarıstan U-21-nə dəvət alıb və 2 qola imza atıb.
Qeyd edək ki, AZAL bu oyunçuyadək belaruslu Gennadi Bliznyuk, latviyalı Ritus Krijaklis və albaniyalı Mansur Limani ilə də müqavilə bağlamışdı.
