30 yanvar 2011 16:20
Ramiz Məmmədov qələbəyə sevindi və Aydınovu bəyənmədi
Azərbaycanlı mütəxəssis Ramiz Məmmədovun çalışdırdığı Qazaxıstanın “Atırau” klubu Türkiyənin Antalya şəhərindəki təlim-məşq toplanışı çərçivəsində ilk yoxlama matçına çıxıb. Azerisport.az xəbər verir ki, həmyerlimizin komandası Rusiyanın birinci divizion təmsilçisi olan Orenburq “Qazovik”i ilə qarşılaşıb.
Qarşılaşma azərbaycanlı məşqçilər korpusunun çalışdırdığı komandanın 2:1 hesablı qələbəsiylə yekunlaşıb. Məmmədovun yetirmələrindən Yanko Vılkanov və Barujan Colçiyev fərqlənib.
Bu arada həmyerlimiz sınaqdan keçirdiyi bir gənc futbolçunu bəyənməyərək, geri qaytarıb. Qazax həmkarlarımızın yazdığına görə, “Çesna”nın 19 yaşlı yarımmüdafiəçisi Silim Aydınov 5 gün ərzində “Atırau”nun düşərgəsində baxışda olsa da, bəyənilməyib və evə yola salınıb.
