30 yanvar 2011 17:12
Sabah Berti Foqtsun yeni rəqibinin kimliyi müəyyənləşəcək
AÇ-2012-nin seçmə mərhələsində millimizin rəqiblərindən olan Qazaxıstan yığması uzun müddətdi ki, başsız qalıb. Azerisport.az xəbər verir ki, rəqibimizin baş məşqçi həsrətinə bu gün rəsmən son qoyula bilər.
Qazaxıstan mətbuatının məlumatına görə, sabah günorta saatlarında Qazaxıstan Futbol Federasiyası bununla bağlı mətbuat konfransı təşkil edib və rəsmi açıqlama da məhz həmin tədbirdə elan olunacaq.
Qeyd edək ki, Qazaxıstan mətbuatı bu postun son iş yeri “Atırau” olan (hansı ki, hazırda həmyerlimiz Ramiz Məmmədov çalışdırır – red.) Viktor Pasulkoya tapşırılacağını iddia edir. Vaxtilə “Xəzər Lənkəran”ın da sükanı arxasında çalışmış moldovalı mütəxəssisin yenidən bu ölkəyə qayıdıb-qayıtmayacağı, həmçinin ölkəmizə səfərinin baş tutub-tutmayacağına məhz sabah aydınlıq gələcək.
