30 yanvar 2011 19:21
Qarabağ rumınlarla bacarmadı (YENİLƏNİB)
Türkiyənin Antalya şəhərindəki hazırlıqlarını davam etdirən “Qarabağ” bu gün qardaş ölkədə növbəti sınaq matçına çıxıb. Azerisport.az xəbər verir ki, Qurban Qurbanovun yetirmələrinin bu dəfəki rəqibi Rumıniyanın “Gaz Metan” klubu olub. İlk yarıda 2 qol buraxan təmsilçimiz fasilədən sonra bunlardan birinin əvəzini çıxa bilsə də, bundan artığına gücü çatmayıb və 1:2 hesablı məğlubiyyətə üzülüb.
Qurban Qurbanovun komandasının Antalyadakı ilk hazırlıq matçında Qazaxıstanın “Jetısu” komandasına məğlub olmuş (2:3), ardından Türkiyənin aşağı liqa təmsilçilərindən “Erdemirspor”a cəmi 45 dəqiqəyə 8 cavabsız qol vurmuşdu. Belə kəskin səviyyə fərqi ortaya çıxınca isə, ikinci hissənin oynanılmasına ehtiyac duyulmamışdı. Nəhayət, ağdamlılar son sınaq matçında Ukrayna "İllychivets"i ilə üz-üzə gəlmişdi ki, həmin matçda da 2:2 hesablı bərabərlik qeydə alınmışdı.
Yoldaşlıq oyunu
30 yanvar
QARABAĞ – GAZ METAN - 1:2 (0:2)
Matç başladı
Oyuna Ağdam təmsilçisi daha fəal başlayıb
Adamiya rəqib qapıçıyla təkbətək çıxsa da, kobudluqla dayandırılır
7-ci dəqiqədə rumınlar hesabı açırlar
Qol buraxdıqdan sonra ağdamlılar daha çox fəallaşsa da, qol vura bilmirlər
Nderim Nedzipinin cərimə zərbəsi təhlükəli olur
Aqollinin təhlükəli zərbəsi qolla nəticələnmir
41-ci dəqiqədə rumınlar daha bir qol vururlar. Müdafiəçilərin kobud səhvi ikinci qolun buraxılmasına səbəb olur
İkinci hissə başlayır
Komandamızın fəallığı nəhayət ki, bəhrəsini verir. 63-cü dəqiqədə Aftandil Hacıyevin baş zərbəsi nəticəsində hesab arasındakı fərq minimuma enir
Matç ağdamlıların 1:2 hesablı yenilgisiylə başa çatdı
