31 yanvar 2011 13:55
Xəzər Lənkəran 2 oyunçuyla müqavilə bağladı (FOTO)
“Xəzər Lənkəran” Futbol Klubu iki futboçusu ilə müqavilələrin artırılması barədə razılığa gəlib. Azerisport.az xəbər verir ki, danışıqlar zamanı əldə olunan razılığa əsasən klubun albaniyalı futbolçusu Elvin Beqiri bundan sonra da “Xəzər Lənkəran”da çıxış etməyə davam edəcək.
Qeyd edək ki, mərkəz müdafiəçisi Beqiri bugünə kimi cənubluların heyətində 38 oyun keçirib və 5 qola imza atmağa nail olub. Müqaviləsi artırılan digər oyunçu isə nigeriyalı hücumçu Emeka Oparadı. Ötən mövsüm komandanın sıralarına qoşulan Opara, bu müddətə qədər komandada 25 oyun keçirib və 5 dəfə rəqib qapılarına yol tapıb.
Lakin maraqlıdı ki, bu oyunçuların müqavilələrinin müddətinin hansı tarixədək artırıldığı barədə heç bir açıqlama verilmir.
