Bakı Panduri`yə qalib gəldi (YENİLƏNİB)

Türkiyənin Antalya şəhərindəki təlim-məşq toplanışını davam etdirən “Bakı” bu gün qardaş ölkədə növbəti sınaq matçına çıxıb. Azerisport.az xəbər verir ki, paytaxt klubunun bu dəfəki rəqibi Rumıniyanın “Panduri” klubu olub və təmsilçimiz minimal hesablı qələbəyə sevinib.

 

Qeyd edək ki, Aleksandr Starkovun baş məşqçisi olduğu “zolaqlılar” Antalyada keçirdiyi yoxlama oyunlarında məğlubiyyətsizlik seriyasına malikdi. "Bakı" daha əvvəl Qazaxıstann təmsilçiləri "Akjayık" (3:0) və "Şaxtyor" Karaqanda (1:1) klubları ilə qarşı-qarşıya gəlmiş və uduzmamışdı. Elə Ukraynanın “Metallurq” (Zaporojye) klubuyla qarşılaşma da heç-heçə (0:0) başa çatmışdı.

 

Yoldaşlıq oyunu

31 yanvar

 

BAKI - PANDURİ - 1:0 (1:0)

 

"Bakı" bu oyuna aşağıdakı heyətdə çıxıb:

1. Marko Şarliya, 3. Rafael Əmirbəyov, 4. Vadim Borets, 33. Aleksey Savinov,  5. Stevan Bates, 11. Adnan Bərəkət, 77. Aleksandar Şoliç, 2. Saşa Kaykut, 30. İbrahim Karqbo, 20. Juninyo, 10. Ruslan Leviqa.

Baş məşqçi: Aleksandr Starkov

 

30-cu dəqiqədə "Bakı" hesabı açır. Sağ cinahdan künc zərbəsi zamanı Şoliç topu qapı qarşısına göndərir, Adnan Bərəkət qapıçıdan qayıdan topu sağ küncə göndərir - 1:0

45-ci dəqiqədə əvvəlcə Saşa Kaykut, ardından isə Ruslan Leviqanın zərbəsindən sonra top rəqibin qapı dirəyindən qayıdır

Birinci hissə başa çatdı

 

İkinci hissə başladı

Fasilədən sonra heyətdə dəyişiklik var: Xalidu Sissoko Marko Şarlyanı əvəzləyir. İbrahim Karqbonun əvəzinə isə meydana Ernad Skuliç çıxır. Mahmud Qurbanov da Saşa  Kaykutu əvəzləyir

75-ci dəqiqədə Stevan Bates sarı vərəqə ilə cəzalandırılır

82-ci dəqiqədə Reviqa hesabı artıra bilərdi. Onun qüvvətli zərbəsindən sonra top müdafiəçiyə dəyir

Hakim oyunun əsas vaxtına 2 dəqiqə əlavə edir