31 yanvar 2011 12:37
Bakı`nın müdafiəçisi Belçikaya getdi, Azərbaycanı təriflədi
“Bakı”nın sabiq müdafiəçisi Dare Nibombe karyerasını Belçikada davam etdirəcək. Azerisport.az xəbər verir ki, Toqo yığma komandasının futbolçusu “Mons” klubu ilə anlaşıb.
O, artıq Belçika mətbuatına müsahibə də verib və Azərbaycanla da bağlı fikirlərini açıqlayıb: “Bu ölkənin çempionatı çox sürətlə inkişaf edir, yaxşı infrastruktura malikdilər. Çoxlu braziliyalı, afrikalı, şərqi avropalı futbolçular çempionatın səviyyəsini yüksəldirlər. Hətta Emil Mpenza kimi nüfuzlu futbolçu da orada çıxış edir. Mənim fikrimcə, Azərbaycan çempionatının səviyyəsi Rumıniyanınkına yaxındı”.
Nibombe o vaxt “Bakı”ya gəlişinin səbəbini də açıqlayıb: “O vaxt mən Rumıniyanı tərk edəndə "Timişoara"nın prezidenti demişdi ki, nəinki onun klubu, hətta bu ölkənin çempionatı ən yaxşı müdafiəçisini itirdi. Lakin istənilən oyunçu yeni təkliflərlə qarşılaşmaq istəyir. Bu baxımdan, "Bakı" klubu mənə təklif ünvanladı. Klub prezidentinin təklifi ilə klubumu dəyişdim”.
