1 fevral 2011 13:43
Aleksandr Pitsurka: XL-da mümkün qədər çox qol vurmaq istəyirəm
“Xəzər Lənkəran”ın yeni transferlərindən olan Aleksandr Pitsurka öz müsahibəsində yeni klubuna keçidinin səbəblərindən danışıb. Azerisport.az Rumıniya yığmasının sabiq baş məşqçisi Viktor Pitsurkanın oğlu olan futbolçunun həmin müsahibəsini təqdim edir:
- Necə oldu ki, “Universitatea Craiova”dan getməyə qərar verdiniz?
- Məni sadəcə baş verən son hadisələr bu həddə gətirib çıxardı. Mən bu mövzunu çox müzakirə etmək istəmirəm. Sadəcə bu klubda artıq çox qala bilməzdim. Baxmayaraq ki, hamıyla çox gözəl münasibətim var idi. Odu ki, komandadan mehribanlıqla, sülhlə ayrılıram. Mənim problemim sadəcə klub prezidenti Adrian Mitsitselu ilə idi.
- “Universitatea Craiova” sizin bütün alacağınız ödədi?
- Mən pulumu almışam, amma mayın sonunu gözləyirəm...
- Niyə Rumıniyanın digər klublarını yox, məhz “Xəzər Lənkəran”ı seçdiniz?
- Məndə bir neçə variant var idi. Ancaq Azərbaycandan gələn təklif maddi cəhətdən daha cəlbedici idi. Anna Mariya mənə getməməyi məsləhət bilsə də, “Xəzər Lənkəran”da 9 rumınuyalı futbolçunun olması, Mirça Rednikin baş məşqçisi olması həlledici oldu. Hər halda klubdan da özümə qarşı yaxşı münasibət hiss etdim, hansı ki, bir neçə milyon avroluq büdcəsi var.
- Azərbaycan çempionatı sizin üçün tramplin ola bilər?
- Bəli, ordan Türkiyə çempionatına da düşmək olar, hansı ki, Avropaya keçid üçün çox gözəl vasitədi.
- Getdiyiniz ölkə haqqında nəsə bilirsiz?
- Mən hələ ora getməmişəm, amma bildiyim bəzi şeylər var. Antalyadakı toplanış zamanı komandayla birgə oldum. Komanda yoldaşlarım mənə Bakı haqda danışdılar ki, çox gözəl şəhərdi. Lənkəranın isə paytaxtdan 300 mil uzaqda olduğunu deyirlər. Mənə belə yerdə oynamaq çox maraqlıdı, mümkün qədər çox qol vurmaq istəyirəm. Biz çempionluğu qazanmaq istəyirik. Ancaq hazırda birinci yerdə “Neftçi” gedir.
- Lənkəranda sevgilinizlə birgə yaşamalı olacaqsız?
- Düşünürəm ki, yox. Orda çətin olacaq. Bakıda cəmi 2 gün yaşamalı olacağıq. Qalan günləri isə Lənkəranda oyunlara hazırlaşacağıq. Odu ki, vaxt olmayacaq.
