1 fevral 2011 15:22
Fenerbahçe`nin futbolçusu polisə düşdü
Türkiyənin “Fenerbahçe” klubunun müdafiəçisi Dieqo Luqano dünən axşam yol polisi əməkdaşları tərəfindən saxlanılııb. Azerisport.az xəbər verir ki, polisin israrına baxmayaraq, Uruqvay millisinin üzvü alkoqol müayinəsindən keçməkdən imtina edib.
Polis əməkdaşları isə Luqanoya tərcüməçisi vasitəsilə izah ediblər ki, yerindəcə müayinə olunmaqdan imtina etsə, o zaman xəstəxanaya aparılacaq və ondan qan nümunəsi götürüləcək. Bu xəbərdarlıq da futbolçuya təsir etməyib. Belədə asayiş keşikçiləri onu xəstəxanaya aparmaq üçün məcburi şəkildə polis maşınına mindiriblər.
Lakin bir qədər getdikdən sonra futbolçu müayinə olunmağa razılıq verib və onun 0,13 promil alkoqol qəbul etdiyi üzə çıxıb. Məhz bundan sonra müvafiq cərimə tətbiq edən polislər onun maşınını alaraq, özünü tərcüməçisiylə yola salıblar.
