1 fevral 2011 16:25
Millimizin üzvünə türkiyəli həkimlərdən xoş xəbər
Ayağında aşkarlanan zədə səbəbi ilə Azərbaycan milli komandasının düşərgəsindən qayıdan Əziz Quliyev bu gün Antalyada müayinə olunub. Azerisport.az xəbər verir ki, tibbi yoxlamadan keçirilən gənc futbgolçunun zədəsinin ciddi olmadığı açıqlanıb.
“Bakı”nın şərəfini qoruyan Əziz Quliyev bir neçə gün ərzində komandadan ayrı məşq edəcək. Futbolçu özü zədəsiylə bağlı bunları dilə gətirib:
“Dubaya böyük ümidlərlə yollanmışdım. Milli komandanın formasını geymək hər bir oyunçunun arzusudu. Milli komandadan kənar qaldığım üçün üzgünəm. Ayağımda ağrılar yarandı. Bu səbəbdən həkimlərə müraciət etdim. Zədəmin ciddi olmadığı bildirilir. Ancaq bununla belə həkimlərin qərarı ilə intensiv məşqlərə ara verməliyəm. İnanıram ki, yaxın günlərdə sıraya qayıdacağam”.
