1 fevral 2011 17:37
Starkov İbrahim Karqbodan imtina etməyib
“Bakı” klubu Syerra-Leone milli komandasının yarımmüdafiəçisi İbrahim Karqbonu transferə çıxarması barədə məlumatları təkzib edib. Azerisport.az xəbər verir ki, paytaxt klubu bununla bağlı yaydığı bəyanatda bildirir ki, sözügedən futbolçu heç bir klubda baxışda da olmayıb:
“Son günlər ölkə mətbuatında İbrahim Karqbonun Qazaxıstanın “Atırau” klubunda baxışda olması barədə yayılan xəbərlər həqiqətə uyğun deyil. İbrahim Karqbo 18 yanvar 2011-ci il tarixdən etibarən komandamızla birgə təlim-məşq toplanışında iştirak edir və 2 yoldaşlıq oyununda meydana çıxıb.
İbrahim Karqbo komandamızın üzvüdü və hazırlıqlarını da, məhz, "Bakı" futbol klubu və baş məşqçi Aleksandr Starkovun rəhbərliyi altında davam etdirir. Bu yalnış məlumatı yayan informasiya mənbələrinin nəzərinə daha diqqətli olmalarını və xəbəri dəqiqləşdirməyin zəruriliyini çatdırırıq”.
