1 fevral 2011 17:44
Bakı Stuttgart`la qarşılaşacaq
Antalyada təlim-məşq toplanışını yekunlaşdırmaqda olan “Bakı” sayca beşinci yoldaşlıq oyununa hazırlaşır. Azerisport.az xəbər verir ki, paytaxt klubu fevralın 3-də Almaniyanın Oberliqa təmsilçisi “Stuttgart Kikkers” komandasıyla görüşəcək.
Oyun komandamızın məskunlaşdığı “Su sesi” otelinin meydanında keçiriləcək və saat 12:00-da (Bakı vaxtı ilə saat 14:00-da) başlayacaq.
Xatırladaq ki, “zolaqlılar” Antalyada 4 yoxlama oyunu keçirib. Qazaxıstanın “Akjayık” (3:0), “Şaxtyor” (Karaqanda) (1:1), Ukraynanın “Metallurq” (Zaporojye, 0:0) və Rumıniyanın “Panduri” (1:0) klubları ilə qarşılaşan “Bakı” 2 oyunda qalib gəlib, iki oyunu isə heç-heçə başa vurub.
“Stuttgart Kikkers"lə qarşılaşma isə “zolaqlılar”ın sonuncu yoxlama oyunu olacaq.
