1 fevral 2011 00:15
Antalyada intensiv məşqlərə davam (FOTOLAR)
Premyer Liqaya Türkiyənin Antalya şəhərində hazırlaşan "Neftçi" məşqlərini davam etdirir. Azerisport.az xəbər verir ki, dünən "ağ-qaralar" baş məşqçi Arif Əsədov, məşqçilər Bəxtiyar Süleymanov, Elmir Xankişiyev, fiziki hazırlıq üzrə məşqçi Mehmet Ak, eləcə də qapıçılarla işləyən məşqçi Neboyşa Manoyloviçin rəhbərliyi altında iki dəfə məşq ediblər.
Məqşlərdə yalnız belçikalı hücumçu Emil Mpenza iştirak etməyib. O, şəxsi həkimi tərəfindən müayinədən keçmək üçün Belçikaya yollanıb. Digər futbolçularla bağlı heç bir problem yoxdu.
Qeyd edək ki, "Neftçi" bu gün Bakı vaxtı ilə saat 19:00-da "Mardan Antalyaspor" stadionunun ikinci meydançasında Çernoqoriya çempionu "Rudar"la qüvvəsini sınayacaq.
