3 fevral 2011 02:36
Fransa kubokunda sürpriz nəticələr (YENİLƏNİB)
Fransa kubokunda 1/8 final mərhələsinin oyunlarına yekun vurulub. Azerisport.az xəbər verir ki, bir qarşılaşmadan ibarət olan bu mərhələnin ilk oyun günündə 3 cütlüyün taleyinə aydınlıq gəlmiş olub.
“Angers” doğma meydanda “Strasbourg”u 2, “Lorient” isə “Metz”i 3 cavabsız qolla mübarizədən kənarlaşdıraraq, adını növbəti mərhələyə yazdırıb. “Rennes” və “Reims” arasındakı qarşılaşma isə kifayət qədər gərgin alınıb. Hesabı meydan sahibləri açsa da, qonaqlar 3 qol vurmağı bacarıb. Lakin onlar da 90 dəqiqənin tamamına kimi üstünlüyü əldən verdiyindən, qalibi müəyyənləşdirmək üçün əlavə vaxta ehtiyac duyulub. Məhz əlavə vaxtda daha bir qol vuran qonaqlar 1/4 finala vəsiqə qazanan tərəf olub.
Digər xoşbəxtlərin kimliyinə isə ikinci oyun günündə aydınlıq gəlib. Günün əsas sensasiyalarından biri aşağı liqa təmsilçisi “Chambery” klubunun elita təmsilçisi “Sochaux”nu mübarizədən kənarlaşdırması olub. Digər elita təmsilçisi “Nancy” isə birinci liqa klubu “Le Mans”a doğma meydanda məğlub olaraq, 1/4 finala çıxa bilməyib.
Qalan elita təmsilçiləri isə sensasiyaya imkan verməyib. “Nice” “Drancy”ni səfərdə vurduğu yeganə qolla mübarizədən kənarlaşdırarkən, PSG “Martigues” üzərində asan qələbəyə sevinib. “Lille” – “Nantes” duelində isə əsas vaxt heç-heçə (1:1) tamamlandığından əlavə vaxt təyin olunub. Lakin əlavə vaxtda da qalibi müəyyənləşdirmək mümkün olmayınca, penalti zərbələrinə üstünlük verilib ki, burda da meydan sahibləri qələbə qazanan tərəf olub.
Fransa kuboku
1/8 final
1 fevral
1 fevral
Angers – Strasbourg – 2:0
Lorient – Metz – 3:0
Rennes – Reims – 3:4 (əlavə vaxtda)
2 fevral
Chambery - Sochaux - 2:1
Martigues - Paris SG - 1:4
Nancy - Le Mans - 1:2
Drancy - Nice - 0:1
Lille - Nantes - 1:1 (penaltilərlə 3:2)
