2 fevral 2011 15:01
“Rəşad qayıtmaq istəsə, Eskişehirspor`la danışıqlara başlarıq”
Ağdamın “Qarabağ” klubunun direktoru Əmrah Çəlikəl bildirib ki, sabiq oyunçuları olan millimizin kapitanı Rəşad Sadıqovu geri qaytarmaq üçün onun hazırkı klubu “Eskişehirspor”la heç bir danışıq aparmayıblar. Azerisport.az saytına açıqlamasında türkiyəli mütəxəssis həmyerliləri ilə danışıqlara başlamamalarını belə izah edib:
“Təbii ki, biz Rəşad Sadıqov kimi ölkənin ən yaxşı futbolçusunun yenidən sıralarımıza qayıdışını çox istərdik. Əgər Rəşad yenidən “Qarabağ”a qayıtmaq istəsə, o zaman biz onun klubuyla dərhal danışıqlara başlarıq. Ancaq hələlik “Eskişehirspor”la heç bir danışıq aparmırıq”.
