2 fevral 2011 19:02
Neftçi`yə 1.5 aylıq zərbə
“Neftçi”nin birinci təlim-məşq toplanışında ayağında ağrılar hiss edən Emil Mpenza ikinci hazırlıq dönəmində Antalyada ilkin tibbi müayinədən keçirildi. Yanvarıın 31-də isə klub rəhbərliyinin icazəsi ilə tam müayinə olunmaq üçün Belçikaya yollandı.
Azerisport.az xəbər verir ki, bu gün onun Belçikadakı həkimi ilə ətraflı fikir mübadiləsindən, eyni zamanda tibbi müayinənin “Neftçi”yə göndərilməsindən sonra qərara alınıb ki, Emil Mepnza fevralın 4-də cərahiyyə əməliyyatı olunsun. Belçikadakı həkimlərin rəyinə əsasən, hücumçu 1-1,5 aydan sonra yaşıl meydançaya qayıtmalıdı.
Bununla əlaqədar Mpenza klubun rəsmi saytına fikirlərini də açıqlayıb: “Çox təəsüflənirəm ki, belə hal baş verdi. Mənim meydançada tam gücümlə oynamaq üçün əməliyyat edilməyim mütləqdi. Bu gün şəxsən “Neftçi”nin prezidenti Sadıq Sadıqovla telefon danışığımda təəssfləndiyimi bildirdim və söz verdim ki, “altılıq” oyunlarında vuracağım qollarla komandamızın qızıl medallar qazanmasına yardımçı olacağam”.
