3 fevral 2011 02:57
İspaniya kubokunda Real – Barcelona finalı
İspaniya kubokunda yarımfinal mərhələsinin cavab oyunları keçirilib. Azerisport.az xəbər verir ki, “Real” doğma meydanda “Sevilla” ilə qarşılaşıb.
Hələ səfərdə keçirilən ilk görüşdə minimal hesablı qələbəyə sevinən Madrid klubunun bu rəqibini mübarizədən kənarlaşdıracağı şübhə doğurmurdu. Gözlənildiyi kimi, cavab görüşündə də qələbə qazanan “Real” adını finala yazdırıb.
Digər yarımfinal cütündə isə artıq hər şey elə ilk oyunda həll olunmuşdu. Belə ki, “Barcelona” doğma meydanda “Almeria”nın qapısından 5 cavabsız top keçirmişdi ki, cavab görüşündə kataloniyalıların bu üstünlüyünü əldən verəcəyi heç inandırıcı görünmürdü. Gözlənildiyi kimi də oldu və indi İspaniya intizarla “Real” – “Barcelona” finalını gözləyir.
İspaniya kuboku
Yarımfinal (cavab oyunları)
2 fevral
Real – Sevilla – 2:0 (1:0)
Almeria - Barcelona – 0:3 (0:5)
