3 fevral 2011 18:21
Ermənilər ruslara oyun sata bilər
AÇ-2012-nin seçmə mərhələsi çərçivəsində eyni qrupda yer alan Rusiya və Ermənistan yığmaları arasında danışıqların baş tutma ehtimalı yaranıb. Azerisport.az xəbər verir ki, hazırda bütün Ermənistan və Rusiya mətbuatı bu məsələni müzakirə etməyə başlayıb.
Məsələ burasındadı ki, bir neçə gün öncə Ermənistanın “Jamanak” qəzeti martın 26-da keçiriləcək Ermənistan – Rusiya oyunu öncəsi maraqlı iddia irəli sürüb. Nəşrin yazısında bu matç öncəsi tərəflərin danışığa gedəcəyi bildirilib. Rusiyanın Ermənistana məğlubiyyətin əvəzinə iqtisadi sövdələşmə təklif etdiyi əsas iddialardan biri kimi irəli sürülür.
Lakin bu gün Ermənistan Futbol Federasiyasının prezidenti Ruben Ayrapetyan bu söz-söhbətlərlə əlaqədar mətbuat konfransı keçirərək, iddiaları yalanlayıb: “Bu mümkün deyil. Fahişəlik daha yaxşıdı, nəinki bunu etmək. Mən isə fahişə deyiləm və oyun da satmaram. Nə mən, nə dövlətimiz belə bir şeyə razı olmaz”.
