3 fevral 2011 14:56
Bakı almanlara 11 cavabsız qolla qalib gəldi (YENİLƏNİB)
Türkiyənin Antalya şəhərindəki təlim-məşq toplanışını davam etdirən “Bakı” bu gün qardaş ölkədə sonuncu sınaq matçına çıxıb. Azerisport.az xəbər verir ki, paytaxt klubunun bu dəfəki rəqibi Almaniyanın Oberliqa təmsilçisi “FSV Martinroda” olub.
Qarşılaşma komandamızın 11:0 hesablı qələbəsiylə başa çatıb. Baxışda olan Çerovski 3 qol vurub. Mahmur Qurbanovla Saşa Kaykut dubla imza atıb. Digər qollara isə Rodomir Todorov, Adnan Bərəkət, Ruslan Leviqa və Vadim Borets imza atıb.
Qeyd edək ki, Aleksandr Starkovun baş məşqçisi olduğu “zolaqlılar” Antalyada keçirdiyi yoxlama oyunlarında məğlubiyyətsizlik seriyasına malikdi. "Bakı" daha əvvəl Qazaxıstann təmsilçiləri "Akjayık" (3:0) və "Şaxtyor" (Karaqanda, 1:1) klubları ilə qarşı-qarşıya gəlmiş və uduzmamışdı. Elə Ukraynanın “Metallurq” (Zaporojye) klubuyla qarşılaşma da heç-heçə (0:0) başa çatmışdı. Rumıniyanın “Panduri” klubu ilə son görüşdə isə 1:0 hesablı qələbə əldə olunmuşdu.
Yoldaşlıq oyunu
3 fevral
BAKI - FSV MARTİNRODA - 11:0 (6:0)
