4 fevral 2011 13:12
Qəbələ gəlirlərini artırır
“Qəbələ” klubu daha bir sponsorla anlaşıb. Azerisport.az xəbər verir ki, Qəbələnin eyniadlı klubu Türkiyənin “Errea” firması ilə 2 illik müqavilə imzalayıb.
Türkiyənin paytaxtı Ankarada təşkil olunan imzalama mərasimində sənədə “Errea”nın nümayəndəsi Atanur Erdinçlə “Qəbələ”nin icraçı-direktoru Alastair Saverimutto imza atıb.
Mərasimdən sonra Saverimutto bu anlaşmaya öz münasibətini bildirib: “Qəbələ” klubu olaraq futbola olduqca böyük vəsait qoymuşuq. Çox ciddi hədələrimiz var. “Errea” firması ilə imzalamağımız müqavilə bizi uğura aparacaq. Təxminən 50 milyon funt-sterlinq xərcləyərək yeni bir layihə hazırladıq. Biz bunu Azbaycan və Avropada uğur qazanmaq üçün edirik. “Arsenal”ın əfsanəvi futbolçusu Toni Adamsı da komandaya baş məşqçi olaraq gətirdik. Aşağı yaş qrupunda isə türkiyəli mütəxəsis Əli Yavaş çalışır. İnanırıq ki, bütün bu gördüyümüz işlərin müsbət nəticəsini yaxın zamanlarda görəcəyik”.
Atanur Erdinç isə, "Errea" olara1 Azərbaycan bazarına sürətlə girdikləini və voleybol komandalarının hamısının bu firmanın məhsullarını geydiyini bildirib: "Qəbələ" klubu futbola çox böyük sərmayələr qoyur. Biz də orada sərmayə qoymuşduq. Voleybol komandaları, voleybol və basketbol milli komandaları "Errea"nın məhsullarını geyinir. "Qəbələ" ilə yeni bir inkişafa qədəm qoyacağıq və futbolda da sıralarımızı genişləndirəcəyik".
Qeyd edək ki, “Qəbələ” bundan öncə “Lotto” və “Hyundai Azerbaijan”la da sponsorluq müqaviləsinə malik idi.
