4 fevral 2011 22:36
“Bura XL-la çempion olmağa gəlmişəm” (VİDEO)
“Xəzər Lənkəran”ın qış transfer pəncərəsində həyata keçirdiyi ən möhtəşəm transferi olan Syerra-Leone yığmasının oyunçusu Julius Vobay yeni klubuyla 2 illik müqaviləyə imza atdıqdan sonra fikirlərini də dilə gətirib. Azerisport.az xəbər verir ki, cənub təmsilçisinin yeni üzvü azarkeşlərə çempionluq sözü verib:
“Bugündən mən “Xəzər Lənkəran”ın rənglərini qoruyacam və əlimdən gələni edəcəm ki, bu ilin qalibi biz olaq. Mən bura “Xəzər Lənkəran”la çempion olmağa gəlmişəm” deyə Vobay klubun rəsmi saytına açıqlamasında bəyan edib.
Qeyd edək ki, ölkəsinin aparıcı futbolçularından olan Vobay Syerra-Lyone millisinin bombardirlər siyahısında 12 qolla ikinci pillədədi. Ümumilikdə karyerası ərzində 70-dən çox qol imza bu oyunçu hücumameylli yarımmüdafiəçi və hücumçu mövqelərində çıxış edir.
Sonda bu futbolçunun “Universitatea Craiova”nın heyətində vurduğu bəzi qolları sizə təqdim edirik.
