4 fevral 2011 10:46
“XL-a məğlubiyyətin əvəzini Bakıda çıxmağa çalışacağıq”
“Neftçi”nin müdafiəçisi Ruslan Əmircanov komandasının Türkiyənin Antalya şəhərindəki hazırlıq prosesini dəyərləndirib. Azerisport.az xəbər verir ki, o, komandanın çempionluq yolunda inamla irəliləyəcəyinə inandığını söyləyib:
“Antalyadakı ikinci təlim-məşq toplanışında da ciddi hazırlaşdıq. Çətin də olsa, verilən tapşırıqları yerinə yetirməyə çalışırdıq. Mənə elə gəlir ki, təlim-məşq toplanışı ürəyimiz istəyən kimi alındı. Burdakı bütün oyunlarda qalib gəldik. Bəzi qarşılaşmalarda texnikanın, bəzilərində isə mübarizliyin hesabına qələbə qazandıq. Bakıya qayıtdıqdan sonra 2 gün istirahət edəcəyik. Ardından məşqlər edib, Premyer Liqaya tam hazır olacağıq. Qış fasiləsindən sonra ilk matçımız “Xəzər Lənkəran”a qarşı olacaq. Bilirsiniz ki, bizim məqsədimiz çempionluqdu. Qızıl medallar uğrunda mübarizədə “Xəzər Lənkəran”la oyun böyük əhəmiyyət daşıyır. İlk görüşdə onlara uduzmuşuq. Bu məğlubiyyətin əvəzini Bakıda çıxmağa çalışacağıq”.
