5 fevral 2011 17:02
Rəşad Sadıqov Galtasaray`la oyun üçün açıqlanan siyahıda
Millimizin kapitanı Rəşad Sadıqovun çıxış etdiyi “Eskişehirspor” klubu Türkiyə Superliqasının 20-ci turu çərçivəsində səfərdə qarşılaşacaqları “Galatasaray”la görüşmək üçün İstanbula gəlib. Azerisport.az xəbər verir ki, Eskişehir təmsilçisinin baş məşqçisi Bülənt Uyğun səfərə aparılan 19 nəfərlik heyətə həmyerlimizin də adını daxil edib.
Belə ki, o, “Galatasaray”la oyun üçün aşağıdakı futbolçuların xidmətindən yararlana biləcək: İvesa, Atilla, Kayacan, Sezgin, Koray, Veysəl, Dieqo, Safet Nadareviç, Volkan Yaman, Rəşad Sadıqov, Bülənt Ertoğrul, Doğa Kaya, Pele, Alper, Burhan, Erkan, Sərdar, Rodriqo Tello, Ümit Karan, Batuhan Karadeniz.
Lakin Rəşad Sadıqov səfərə aparılsa da, son oyunda olduğu kimi, bu dəfə də start heyətində meydana çıxmaq şansları yüksək dəyərləndirilmir. Çünki adətən mərkəz müdafiəçisi kimi Dieqo və Safet Nadareviçə üstünlük verən Bülənt Uyğunun bu dəfə də onların xidmətindən yararlanması üçün hansısa problem yoxdu. Elə buna görədi ki, Türkiyə mətbuatı “Eskişehirspor”un təxmini heyətini bu şəkildə təqdim edib:
İvesa - Koray, Dieqo, Nadareviç, Volkan - Erkan,Tello, Pele, Burhan - Ümit Karan, Batuhan.
“Galatasaray”ın təxmini heyəti isə belədi: Sapata, Sərkan, Lukas Neyl, Sərvət Çətin, Hakan Balta, Sabri, Lorik Cana, Yekta, Kulio, Stanku, Baroş.
