5 fevral 2011 19:46
Millimiz özbəklər üzərində əzmkar qələbəyə sevindi (YENİLƏNİB)
Bu gün Bakı İdman Sarayında IV Bakı Beynəlxalq Futzal Turniri start götürüb. Azerisport.az xəbər verir ki, turnirdə Azərbaycan, Ukrayna, Latviya və Özbəkistan milli komandaları mübarizə aparır.
Bu günə nəzərdə tutulan ilk oyunda Ukrayna Latviya futzalçıları ilə münasibətlərinə aydınlıq gətirib. Rəqibi üzərində asan qələbəyə sevinən ukraynalıların bu uğurunu millimizdə də təkrarlayıb. Lakin özbəklərlə oyunun ilk yarısında 3 cavabsız qol buraxan komandamızın qələbəsi kifayət qədər möhtəşəm və əzmkar alındı.
Qeyd edək ki, sabahkı oyun günündə Özbəkistan Ukrayna (saat 16:00), Azərbaycan isə Latviya ilə (18:00) qarşılaşacaq.
Ukrayna – Latviya – 5:1
Qollar: Yakunin (3), Sorokin, Leqçanov - Yakovlevs.
18:00. Azərbaycan – Özbəkistan - 5:3
Qollar: Fərzəliyev (2), Tyaqu, Borisov (2) - İrsaliyev, Tajibayev, Əlibəyov.
